भाषिक खेळ-४५

 

उखाणे

उद्देश: उखाण्यांची माहिती होणे व विचारशक्तीस चालना मिळणे.
सूचना :खाली दिलेल्या उखाण्यांची उत्तरे शोधा.प्रत्येक बरोबर उत्तराला एक गुण आणि सोडवायला वेळ एक मिनिट.पाहू कोण सर्वात अगोदर ओळखतील सर्व उखाणे.

४१) दुभागी जीभ पण सर्प नव्हे ,

पाच पती असूनही पांचाली नव्हे,

झरझर झरते पण झरा नव्हे ,

कागदावर उमटवते मी मोती नव्हे.

४२) पर्वतावर रथ चालतो आहे,

सारथी आहे पृथ्वीवर ,

रथ वेगात असला तरी 

तसूभर हलत नाही .तो कोण ?

४३) पाण्यामध्ये पोहू शकतो,

जमिनीवर उड्या मारतो,

कीटक,गांडूळ याचे भक्ष्य ,

चिकट जिभेने करतो फस्त ,

असा कोण सांगा सांगा.

४४) जागेवरून हलत नाही,

दिसामाजी वाढत जातो,

स्वावलंबी मी पुरा ,

इतरानाही मदत करतो.मी कोण ?

४५) हे असत भारलेल आकंठ सीलबंद !

असत अगदी निकामी फुटेपर्यंत 

किंवा फोदेपर्यंत !

उत्तर -४१) शाईपेन ४२) कुंभाराचे चाक 

४३) बेडूक ४४) झाड ४५) अंडे